حالي تبدل>>> تسننت

بسم الله الرحمن الرحيم
السلام عليك ورحمة الله وبركاته
انا بنت عمري 22 سنه،وحيدة والدتي، ساكنه بالمنطقه الشرقيه في احد احياء الشيعه، ولدت وسط أهل وعائله شيعيه، امي من الساده وكانت قارئه معروفه بالحسينيات، اما والدي كان عامي وما يعرف للدين طريق، أي انه ما يصوم ولا يصلي ولا يؤدي ماعليه من حقوق وواجبات ، تزوج امي طمع في راتبها وليس لأجل الزواج او الاولاد، فما كان يريد منها اولاد لانه كان متزوج وله 3 اولاد غيري، وكان يحاول تسقيطي وانا جنين في بطن امي، لاكن شاء الخالق ان انولد في هذه الحياه، ومن انولدت للحين ما شعرت بأي من الاستقرار النفسي، فالمشاكل ما تنقطع ولأتفه الاسباب، فكان انشغال امي وابي بمشاكلهم ما خلت لهم فرصه يعمقوا اصول الدين في داخلي، ماكنت اهتم بصلاتي خليني اكون صريحه ماكنت اصلي، كنت اتخذ احكام الحلال والحرام من كتب الدين بمدرستي، بعد ماتخرجت التحقت بالجامعه وتعرفت على(وعد) بنت من المذهب السني، كنا نتسولف عن الفروق بين الشيعه والسنه وكانت تسألني عن اشياء في المذهب والاحكام ماكنت اعرف اجاوب بس اكتفيت اني اسمعها تتكلم، كنت احترم وجهة نظرها وتعززها لي بأدله قرآنيه وادله وامثله في الحياه،كنت ازورها كل فتره والثانيه،و في يوم من الأيام زرتها في بيتها وكنا نتكلم شوي ودخلنا بموضوع الدين وعم السكوت بعدها قلت لها:علميني صلاتكم. فقمنا وعلمتني الوضوء السليم، بعدها وقفنا لأداء صلاة الظهر كانت اول صلاه صليتها بالأسلوب السني الصحيح، وبعد ماخلصنا الصلاه، سألتني: وش حسيتي فيه؟ حسيت بفرق بين صلاة السنه والشيعه؟ رديت اني اول مره في حياتي ارتاح نفسيا وينشرح صدري، كنت من جد مبسوطه وحسيت بالتغيير، بعدها جلسنا شوي وقلت لها:(أنا ابي اتسنن) ،ماصدقت صاحبتي من الفرحه ، قالت الله يهديك لك مني اللي تبينه فيما يخص دينك وحتى لو ماعرفت بسألك، قالتي لي خلاص يعني ماتبين ترجعين شيعيه؟ ولا تفكرين ترجعين؟؟ قلت لها: خلاص انا تبت وندمت ولا يمكن ارجع شيعيه، اصلا انا ماعرفت الشيعه الا بالاسم،وكان لصديقتي(وعد) الفضل بعد الله سبحانه اني اهتدي واتسنن جزاها الله عني كل خير، وصرت كل يوم اصلي من ورا اهلي، ومع مرور الأيام حسيت ان نفسي تغيرت على اهلي، حسيت انهم غلط بالاسلوب وطريقة التفكير وبالدين وانا صح،ودي يحسون باللي حسيت انا فيه ، صرت كل فتره اذا فيه شي ماعرفته باسلوب السنه اسأل صاحبتي عنه، هي طبعا ماكانت مطوعه بس تعرف الصح من الغلط، ودايم تقول لي : الدين يوافق العقل. صرت بعض الشغلات اسويها لاني اشوفها صحيحه. يعني مثلا تركت المذهب الشيعي لان اساليبهم وامامتهم لعلي اللي يستشفعون فيه كان خليفه وابن عم النبي بس ماكان نبي شفتهم يعظمون الخلق وناسين الخالق في جميع الامور ماكان عقلي مقتنع ان الاسلوب هذا صح وهذا الغلط ماينحسب ضمن اكبر الاغلاط اللي يطبقونها الشيعه في حياتهم من طلب الشفاعه من الأأمه والصالحين والبكاء والعويل من التبرك بالقبور من الحزن المستمر طول السنه من الدعاء لغير الله من رفع المصاحف من زواج المتعه وغيرها من الاساليب الجاهليه،وكل يوم يطلع في المذهب الشيعي حكم جديد،للاسلام احكام ثابته مأخوذه من القرآن الكريم وسنة نبينا محمد والدعاء والشفاعه والمغفره كلها لله ومن الله وهذا مايحتويه المذهب السني،لم يحتوي غير الله ونبيه والقرآن والاحاديث فقط،واستسنيت لان التقرب من الله سبحانه وتعالى ومن نبيه محمد صلى الله عليه وسلم صفوة الخلق هو الواجب والمشروع واللي يماشي العقل واللي عقلي حاليا مقتنع فيه.
انا عرضت قصتي عشان انا شجاعه ودي ابين ان المذهب السني هو الصحيح والشيعه على غلط تاااام، واعترف قدام كل الخلق اني استسنيت، كثير من الناس يخافون من الاعتراف لأجل مايتأذوا وانا منهم، بس ابي تعم الفائده، اذا انا حكيت قصتي وكل واحد شيعي تسنن حكى قصته ولو كانت قصيره ونشرها في المنتديات وعند البحث في قوقل تطلع مواضيع كثيره للشيعه اللي تسننوا، بيكون دافع بإذن الله قوي ان شيعه كثار يفتحون عقولهم ويتسائلون، ليه هذول الشيعه تسننوا؟ اكيد حنا في شي غلط موجود بديننا ولا ليش الناس تسننوا، ابي تعم الفائده بالقصص اللي مثل قصتي، وعشان بعد العظه والعبره
هذا احد اسبابي، والسبب الثاني، ان ودي بالنصايح والارشادات فيما ينفعني في ديني ودنياي وآخرتي، واسألة تدور في ذهني ابحث لها عن اجابات اتمنى من تتواصل معي تكون متفقهه في الدين وعالمه فيه، تعلمني اكثر عن ديني واحكامه، وما يجوز ومالا يجوز،وكيف اتصرف في بعض الامور.
والسبب الثالث، امنيتي ان اهدي والدتي وكل من يعز علي للطريق القويم، اتمنى ان اجعلهم يتسننوا بإسلوب الترغيب، لاني حاولت كثير مع والدتي وكانت كثير تتهاوش معاي، انا الحمدلله انسانه عاقله وعندي اسولب حواري، بس في الدين اذا ماكنت عارفه الا شي بسيط فيه وباقي الاحكام معتمده على تحكيم عقلي فيها، فكيف اني بقنع الناس وانا ماعرف شي؟
اتمنى الافاده والمساعده من شيخ أوداعيه ؟
وشكرا

الدين الاسلامي دين يسر وانقسامه الى سنه وشيعه وفرق اخرى كل هذا يخدم اعداءه الذين يبثون وينعشون الفتنه بين المسلمين ليسهل تدميرهم باختلافهم بامور دينهم
والسنه بشكل بسيط هو كل ماجاء في القران الكريم وكل ماوافق فعل او قول او اقرار من النبي محمد صلى الله تعالى عليه وسلم الذي هو قدوتنا جميعا
فكل ما صح عنه نتبعه
نسال من الله الهدايه لنا جميعا لما يحبه ويرضاه
وكنت اريد ان اسالك , هل هذه القصه منقوله ام ماذا ؟
تحياتي لك

نديم ، الحب ، برنامج ، تحميل ، دليل ، مسلسل ، انشوده ، جديد ، كامل

|•{ لســت الأفــضل..ولــكن لي أســـلوبي }•|
..{ سأظل دائما .. اتقبل رأي الناقد و الحاسد فالأول يصحح مساري .. والثاني يزيد من اصراري }..

حالي تبدل>>> تسننت Shabwhb12a330ff3

يا قارئ خطي لا تبكي على موتي..فاليوم أنا معك وغداً في التراب..فإن عشت فاني معك وإن مت فلذكرى ..
ويا ماراً على قبري لا تعجب من أمري.. بالأمس كنت معك وغداً.. أنت معي.
أمـــوت و يـبـقـى كـل مـا كـتـبـتـــه ذكــرى.. فيـا ليت كـل من قـرأ خطـي دعا لي
حالي تبدل>>> تسننت Sdgsdfsdzer