Hitskin.com

السلام عليكم ورحمة الله وبركاته

موضوع جميل ويستحق المناقشه والمحاوره فيه ..

ضعف رقابه الاسره على ابنائهم ..

توجد اسباب كثيره مادية لهذا الموضوع

منها تربية الام والاب التي تعكس تربية ابنائهم

فالولد يسخرج على ابنه ويتعلم من ابويه ..

ولكن الأب في حال يعلمها الله .. يرجع من الدوام ينام ويتغدى ويطالع تلفزيون

وبعدها يروح الدوانية ويرجع ونفس الحاله كل يوم تتكرر

والام معزومه على عرس وتطالع برامج تجميل وتروح من صالون لي صالون

ومن عزيمه لي مطعم لي مجمع لي سوق ..

وكل شي يديد جربته هالام

ونسو هالاثنين عيالهم الي يابوهم وتعبو عليهم

الي قطوهم على الخدم وخلوهم يتربون على ايدهم

والله انه في بعض الاطفال يتعلمون عادات من الخدم

ويسون اشياء غلط لكن متعلمينها من الخدم

والخدامه تكون هنا بدور الام فيتعلق الطفل بالخدامه اكثر من الام ؟

والله انه في اطفال تبكي ويمكن تحاول الانتحار اذا سافرت الخدامه

الاب مو فاضي لولده ولا معبره والام مو حاطتله اهتمام

والطفل يتعلم من هالغربية والاجنبية ؟ ويتعلم منها اشياء ماهي بدينه

وللاسف فوق هذا الطفل كل ما يكبر يحس بحزن ويحس بنقص

فيتوجه لسلوكيات خاطئه تاديه لعمل اشياء وامور غير مرغوب فيها

واكثر هذه الفئه من الاطفال عندما يكبرون يكونون عاله على المجتمع

لانه تربيتهم صفر ؟ وتربيتهم غير تربية صالحه ..

حيث االولد يتعلم على الزقاير وبعدها المخدرات وشي يجر شي

ولين الانسان يصير عاله على المجتمع بكبره

والمسؤولية تقع على الام والاب الي ما علموه شي ؟

والي يابوه ورموه لهالزمن يعيش ويقاوم بروحه

الانسان اذا ما تعلم على الصح والغلط من البداية

لو كبر لو شنو نعلم فيه خلاص الولد حط في باله شي خلأص

لو شنسوي ما نقدر نغير فكرته والله ..

وفوق هذا اخواني واخواتي الطفل يحتاج من يرشده

وينصحه ويزفه ويضربه ويعلمه < وطبعا الضرب في حالات معينه الفوق خطره

لانه الضرب يسبب تعقيد في شخصية الابن

كذلك تدريبه وتعليمه والتعب على الولد

لانه الولد مثل النبته الي تنبتها اكيد بتطلع على الي مربيها

ان كان مهتم فيها بتطلع نبته صالحه ..

وان كانت نبته فاسده راح تخرب على الي حولها وراح تموت بعد وقت

فالتربية الصالحه وتربية الطفل على العادات الصالحه والعربية والاسلامية

وتعليمه امور الدين والحياة وتفهميه ونصحه

هذا ما يجب ودور الام والاب ..

.. والسؤال الآن ..

1 - لماذا الامهات والاباء منشغلين عن ابنائهم ؟ !

2 - هل الابن في وقتنا الحالي شي غير مهم ؟

3 - ماذا يجب ان نفعل لتربية الاطفال تربية صالحه وحفظهم من مشاكل وبلاوي الدنيا

وشكرا والسموحه على الاطاله

نديم ، الحب ، برنامج ، تحميل ، دليل ، مسلسل ، انشوده ، جديد ، كامل

https://almajro7.7olm.org/t12021-topic

» وجوب طاعة رب الاسرة

Hitskin.com

أين رقابة الاسرة؟!!!!!!!!