كم واحد محتاج لكف يصحيه من غفلته

حادث واقعي حدث معي اتمنى ان تقرأوه وتعطوني رأيكم وان يعتبر من يعتبر منها :-

قبل يومين كنت مع صديق عمري جالسين في احد المقاهي نتبادل الاحاديث , لفت نظري اوراق على الطاوله فسئلته شنهي هذي الاوراق , قال: هذي تأشيرت لدريول الجديد سئلته وانت شتبي بالدريول ماعندك غير زوجتك توصلها الشغل وترجعها قال: المشكلة هالايام مشددين علينا في الدوام والتأخير وساعات تبي تروح السوق وانا مشغول قلت افك عمري واجيب دريول .

قلت له: نزين شرايك بدال لدريول والخساير انا اخذ زوجتك واوصلها للبيت كل يوم ابلاش ولو بغت اي مشوار انا حاضر . طبعا كلمة حاضر هذي ماكملتها الا يده ترتفع علي وده يضربني (طبعا انا توقعت ردت الفعل هذي) مسكت يده ونزلتها وقام بسرعه وهو يهدد ويتوعد , انا لحقته للسياره ويوم شافني كمل السب والغلط ويوم خلص , قلت له: هاه خلصت الحين ممكن تخليني اتكلم , رد علي بعصبيه شتبي تقول اكثر من الي قلته وانا معتبرك صديق عمري .

قلت له: هني مربط الفرس رغم اني صديق عمرك وماكلين عيش وملح والثقه بينا مالها حدود زعلت وعصبت علي وتحركت فيك الغيره والرجوله الي كانت قبل دقايق بس معدومه , عصبت علي انا صديق عمرك لما قلت باوصل زوجتك للشغل وحسيت بالغيره لكن هالغيره وينهي وانت بتجيب رجال غريب لاتعرفه ولايعرفك ولاهو من طينتك بتسمح له يختلي بأهلك ويوصلهم ليل نهار . ولا ذاك لدريول مب رجال او ماعنده احاسيس , شفت شلون بغيت تضربني مع اني متأكد انك تثق فيني اكثر من الهندي لكن للاسف مادري شنهي نظرتك له حتى يكون الامر عادي عندك لما يسوق بأهلك وممكن يسيل فيه الدم لما انا عرضت عليك اني اسوي الي بيسويه بالضبط.

طبعا صديق عمري ماتمالك نفسه بعد الكلام الي قلته ومسك الاوراق والتأشيره وقطعها ورماها في سلة المهملات وتأسف مني وقال : والله الكف الي كان ممكن اوجهه لك انت بكلامك وجهته لي وصحيتني .

نديم ، الحب ، برنامج ، تحميل ، دليل ، مسلسل ، انشوده ، جديد ، كامل

كم واحد محتاج لكف يصحيه من غفلته Fturja10

https://almajro7.7olm.org/t12021-topic

» لقرآن الكريم كامل بصوت السديس على ملف واحد و رابط واحد megaupload
» محتاج لك .
» لا تحسب أني متصل بك محتاج
» محتاج الادارة ... ممكن تجون اريد تبادل اعلاني
» فلم واحد كابتشينو