فديت وقتن حط في دربي رفيق ....
واحدن يضحك معي واضحك معه ....
واحدن لا صار وسط القلب ضيق ....
بالسوالف والمزايح وسعه ....
وان حكى باسلوبه العذب الرقيق ....
يسرق من الجوف قلبن يسمعه ....
**************************
انا صديقك لا قسى الوقت واكفيك ...
ولاني من اللي وقت المصالح يجونك ...
اعـزك يـا صـاحـبـي بـكـل مافـيـك ...
ومن كثر مااعزك صرت اعز اللي يعزونك ...
افـتـخـر لاقـالـوا انـي مـخـاويـك ...
يامنبع الطيب قلبك والصفا في عيونك...
*****************************
قلبي اصيل وماضي الحب ماانساه ...
والصاحب الغالي تشيله عيوني ...
اشتاق له واشفق لصوته وطرياه ...
واقول هو دنياي وشموع كوني ...
رفيق دربي ماتناسيت ذكراه ...
لو العرب في رفقته يعذلوني ...
*************************
تعبت ادور بين الاجواد صاحب ....
وعندي مفاهيم الصداقة عظيمة ....
وادري الصديق بكل الاحوال ساحب ....
واحذر صديق السوء حكمة قديمة ....
احب راعي الطيب والجود والواجب ....
ناس مثلك تحشم وتستحق الحشيمة ....
****************************
من نسى في زحمة الدنيا رفيقة >
قلت له عندي رفيق مانساني >
لو يطول الوقت ويطول طريقه >
ادري انه لو يطول البعد جاني >
بيني وبينه على العشرة وثيقة >
ان بديته بالغلا والا بداني >
صرت عنده بالغلا حسبت شقيقه >
هو بعد غالي ومن حسبت اخواني >
****************************
جالس في وسطهم
قاعد ولاأسمع حكيهم
لاتحسب اني عندهم
انا معك بس جنبهم
متحمسين بحكيهم
ماغير أشوف عيونهم
وأتخيلك وسطهم
سألني واحد بينهم
وش رايك بكلامهم
احرجني والله قدامهم!!
قلت الـــعفو ياقلبهم
ناقص رفيع الشان بينهم
*****************************
اشتقت لك يا صاحبي وين الاقيك؟
محتاج لك بالحيل ودي اشوفك..
اشتقت اسولف معك واسمع حكاويك
واللمه الحلوه وباقي مزوحك
ياصاحبي من كثر ما اطريك واغليك..
صرت اتحلم فيك واصحى واشوفك!
******************************
شخص إلا منه مضى لي معه
يوم
أندم على ايام مضت قبل
ما القاه
احتاج له لا صار في صدري
هموم
ولو ينكسر ساقي تسندني
يمناه
جعل المعزة بيننا دايم
الدوم
هذا الرفيق اللي من الصعب
تنساه
****************************

~~~ ***تحيـــــــــ العابـــــر ـــــــــاتي*** ~~~
_____________________

شكرا شكرا يا العابر

جميلة جدا جدا و في قمة الروعة و الرقة
اشكرك
مع ارق و اخلص تحية

يسلموووووووووووا يالغالي

الله لايحرمنا منك