لو خسرتك ماخسرت العمر والدنيا متاع

الــســلآم عـلـيـكـمـ ورحـمـة اللّه وبــركــاتــه

صحيح الدنيا تشغلنا ولكن ماتغيرنا

ندوس الوقت لو فكر على كيفه يمشينا

ونعيش العمر ونقدر عيون اللي يقدرنا

ونعرف ان الزمان مهما يباعدنا

{ يجيله يووووم يجمعنا }

صباااح / ومسآآآء الخيييير للجميع

وحشتووووني حييييييييييييل

لوخسرتك ماخسرت العمر والدنيا متاع
وادري اني لو خسرتك ما خسرت الا قليل

بس فكر زين تعرف من خسر فينا وضاع
وتعرف انك لو تلف الارض وتدور بديل

والله ان تبطي ولو لفيت كل البقاع
ولو تسوي وش تسوي مانت لاقي لي مثيل

وين تلقى مثل شخصي شخص طبعي طباع
ووين تلقى مثل قلبي قلب اومثلي خليل

البشر واجد نعم لكن فرق الانطباع
يجعلك يمي تميل ويم غيري ماتميل

يارفيقي انتبه واحسن الي الاستماع
للمواقف دور في كشف المزيف والاصيل

وانت ماقصرت فيني موقفك جدا شجاع
طعنتك في الظهر فعلا كانت اثبات دليل

بيض الله وجهك اللي ساتره تحت القناع
ورايتك بيضا معاي وياعسى عمرك طويل

يعني اعطيك الثقه وتردها بلوي الذراع
ياخي ماشا الله عليك ابدعت في الدور الجميل

مدري كيف اشكرك مدري كيف ارد الصاع صاع
كنت احسب انك عزيز النفس تطلع لي ذليل

كم وانا عييت اصدق فيك قدر المستطاع
من غبائي كنت اسكت واعذرك واثر الحصيل

جرح قلب ميزته في كل يوم الاتساع
ودمع عين ينهمر من ضيقتي في كل ليل

والله اني كنت احبك حب واتبعك اتباع
كنت لجل ارضي غرورك بس اسوي المستحيل

كنت اعمى فيك لا لا كنت ميت للنخاع
كنت مدري كيف ؟ لكن كنت صادق حيل

كنت امارس في غرامي لك سياسة الانصياع
وكنت لاغي معك فكرة اعتزل او استقيل

اندفعت بكل مافيني وسوء الاندفاع
يجبر الانسان احيانا يفكر بالرحيل

صدمتي فيك انت خلتني افكر باقتناع
ان قتل النفس راحه لو اناكنت القتيل

انفجر راسي من التفكير وازداد الصداع
كيف انا بفتك من جرحك ودوشة قال وقيل

صرت سيرة في حلوق الناس وتالي هالضياع
انتحر؟معقول!يالله وش هذا الغليل

رحمتك يارب لامن ضاقت امنحني وساع
انت حسبي في زمان الجاير ونعم الوكيل

لاغدى مستقبلي والماضي اطراف النزاع
وصفحة الماضي سواد وشئ من هذا القبيل

فلازم انسى لجل انهي بداخلي هذا الصراع
ولازم اتقوى عشان احقق النصر الجليل

وطالما ان الهجوم افضل وسيلة للدفاع
مستحيل ارضخ لو ان الحمل ثقيل

والبخيل اللي نساني واشترى فيني وباع
يذلف الله لايرده والله بجرحي كفيل

وان سال عني وجاكم بعد فترة انقطاع
علموه نسيته بس انا ماني بخيل

طالما كان السبب في قوتي قبل الوداع
بلغوه اقل شئ بخالص الشكر الجزيل