تصليح الفلاش ميموري اقوى واخر واجمل حل لاصلاحه نهائياً

تذكير بمساهمة فاتح الموضوع :

تصليح الفلاش ميموري اقوى واخر واجمل حل لاصلاحه نهائياً - صفحة 8 Jhkhk

نسخة جديدة منقحة و مختصرة
لمشاهدة النسخة الأصلية من
في الرد التالي
موضوع مهم ذو صلة من
في الردود التاليه
أخواني
بعد الملل الذي حدث من الموضوع الاصلي و بعد السماح باستعمال برنامج chipgenius و بعد استشعار ارتباك البعض في الموضوع رايت انه يجب الاختصار غير المخل ان شاء الله و لذلك لتعم الفائدة مع بقاء الموضوع الاصلي لمحبي الاستزاده
بسم الله أبدأ

* إيه الفرق بين كل الحلول السابقه و الحل الجاي؟؟؟!!!!!

تخيل لو إنك عندك ويندوز و حصل فيه قلق يعني لعب في الريجستري علي كام فيرس علي ملفات سيستم ناقصه علي كل اللي يجي علي بالك و الجهاز قارفك اخر قرف ايه الحل في الحاله دي ؟؟
طبعا واحد هيقولك ستب الكاسبر ــ اكيد من اللي بيحبوه ـــ يجيلك واحد من اللي بيكرهوه و يقولك نود و التالت افيرا و الرابع يقولك الهاي جاك اولا و هتقعد أخي الكريم ترقع في النسخه من هنا و من هنا و يا عالم ممكن الحلول تظبط و ممكن لا

طيب ايه الاريح؟؟ انك تفرمت و تسطب ويندوز من جديد طالما هاردوير الجهاز سليم و عندك نسخه ويندوز نضيفه فرمت و اتكل و انسي كل المشاكل دي دا تقريبا الحال مع الفلاش كل فلاش عليه برنامج بيحدد ماركته و سعته و قابليه الكتابه و كل شئ خاص بالفلاش أيوة مظبوط اسمه firmware و بيبقي موجود علي حاجه اسمها شيبchip دا في المثال بتاعي يقابل الويندوز و في جزء من الفلاش اسمه الروم او الذاكرة memoryو دا اللي انت بتحط الملفات عليه و دا ممكن نسيمه في المثال بقيت الهارد و القلق اللي عليه
كل الحلول السابقه بتلعب علي الذاكرة يعني مثلا انت عاوز تفرمت الفلاشه الامر تنفيذه بيتم علي الروم بس لازم الfirmware هو اللي ينفذ طيب امتي تنفع الحلول دي لو الفيرم وير كويس و المشكلة في الروم طيب ايه اللي يحصل لو الفيرم نفسه او الشيب هو اللي باظ او ببيبوظ طبعا انسي مش هتعرف تطبق امر واحد علي الروم

الفرق بين الحل ده و اخواته ان الحل ده ببساطه بيتعامل ابتداء مع الشيب هنفرمت الشيب—يعني هنشيل الويندوز—و بعد ما نزل شيب جديد نقوله فرمت و بس
أتمني تكون الفكرة وصلت طيب ازاي دا هيحصل هنشوف

** Chip part number
طبعا عقلا مش معقول كل الفلاشات باختلاف ماركتها و موديلاتها ليها شيب واحد كل فلاشه ليها اللي يخصها و خلي بالك مش كل ماركة نظام شيباتها واحد كل فلاشه علي حده

فالمطلوب دلوقتي نحدد نوع الشيب و رقمه ودي وظيفه برنامج
Smile

[/size][/size]

132 كيلو بس مفتاحك لفلاشتك و مايغركشي حجمه يا ما مشاكل كانت حلولها في برامج اصغر من كده
دي صورة البرنامج

تصليح الفلاش ميموري اقوى واخر واجمل حل لاصلاحه نهائياً - صفحة 8 005wm

اهم حاجه الجزء المظلل دي النقطة المحورية الاساسيه
و برضه

عرفنا ان الفلاشه كينجستون الفيد بتاعها 0951 و البيد 1613
وده هينفع لو هتدور في النت بس حاليا اهم حاجه chip part number

في الطريقه القديمة كنا باستعمال البيد و الفيد بنحاول نوصل ليه بس دلوقتي الوصول له مباشر باستعمال البرنامج الصيني ده

الخطوة التاليه تنزيل الفيرم وير المناسب من الموقع و هو روسي علي فكرة

http://www.flashboot.ru/index.php?name=Files

و انا هنا خليت العرض حسب نوع الشيب
أولا نختار نوع الشيب

تصليح الفلاش ميموري اقوى واخر واجمل حل لاصلاحه نهائياً - صفحة 8 Newtopic001

مثلا هختار usbest
و بعدين نختار البرنامج حسب part number

تصليح الفلاش ميموري اقوى واخر واجمل حل لاصلاحه نهائياً - صفحة 8 Newtopic002

و عادي جدا تلاقي كذا اصدار لنفس الشيب غالبا بتاخد الاحدث
مثلا انا اخترت ut165 و بعد الدخول لصفحته

تصليح الفلاش ميموري اقوى واخر واجمل حل لاصلاحه نهائياً - صفحة 8 Newtopic003

تصليح الفلاش ميموري اقوى واخر واجمل حل لاصلاحه نهائياً - صفحة 8 Newtopic003

دوس علي السهم هتجيلك صفحه تانية زي دي

تصليح الفلاش ميموري اقوى واخر واجمل حل لاصلاحه نهائياً - صفحة 8 Newtopic004

عشر ثواني و يبدا التحميل و لو مبدأشي ممكن تدوس علي السهم

طريقه عمل البرامج بتختلف ذكر في الموضوع كذا طريقه لكذا شيب
ممكن تقلب في الموضوع او تشارك مع رفع صورة للبرنامج الصيني

الطريقه مجربة و فعالة و بتحل مشاكل كتيير زي محمي ضد الكتابة و تقلص المساحه او انخفاضها للصفر و ال raw format و غيرها كتيير

ودا يعتبر الجزء الاول من الموضوع و طلب الغالبيه ان الفلاشه تتفرمت تاني و خلاص
انما بما اننا هنزل فيرم ويير جديد دا ممكن يدي تحكمات تانيه و اختيارات خياليه بالنسبه للفلاشه
*** طيب أن فلاشتي سليمه ليا في الليله دي؟؟!
هوالعنوان تصليح الفلاش بس لو فلاشتك سليمه ممكن برضه تتحكم فيها طالما اتحكمت في الشيب يعني ممكن تقسمها كذا حته ممكن نعمل عليها حمايه علشان الفيروسات ممكن نجعل جزء منا سي دي روم حاجات كتير

ملحوظة هامه
يفضل عمل نقطة استعادة للنظام قبل تحميل البرنامج الخاص بالفلاشه لانه في بعض الحالات تختفي ايقونه ازالة الفلاش من جوار الساعه safely remove و

و أنصح بشدة و بعنف بقراءة النسخة الاصلية و موضوع احذروا من الفلاشات المضروبة فعلا مهم

تم بحمد الله تعالي
تصليح الفلاش ميموري اقوى واخر واجمل حل لاصلاحه نهائياً - صفحة 8 T7yati

تصليح الفلاش ميموري اقوى واخر واجمل حل لاصلاحه نهائياً - صفحة 8 T7yati

يتبع
لمشاهدة النسخة الأصلية من
و
احذروا الفلاشات المضروبه

نديم ، الحب ، برنامج ، تحميل ، دليل ، مسلسل ، انشوده ، جديد ، كامل

تصليح الفلاش ميموري اقوى واخر واجمل حل لاصلاحه نهائياً - صفحة 8 Yemen

تصليح الفلاش ميموري اقوى واخر واجمل حل لاصلاحه نهائياً - صفحة 8 90720

تصليح الفلاش ميموري اقوى واخر واجمل حل لاصلاحه نهائياً - صفحة 8 1879sd8

شعارنا السيفان ... يعلوهما القران.....وربنا الرحمن.....واسمنا الاخوان

الف شكر اخي العزيز ولكن جاري التجربة

مشكورررررررررررررررررررررررررررررررررررررررررررررررررررر

القناص كتب:: و بعدبن عشر ثواني و يبدا التحميل او لو مستعجل دوس هنا

و لكن انا شايف ان في برامج محطوط اسمها بس و مفيش اكتف لنك
عموما انا مستعد ارفع لكم من المنتدي اياه اللي انتو عاوزينه بس قولت أكيد كلكم بتحبوا سياسة علمني الصيد و بلاش سياسه السمكه دي
و من باب و بضدها تتمايز الاشياء دي صورة للبرنامج الصيني

طيب بعد محاضرة التاريخ الطويلة دي بصراحه انا اول مرة اشوف واحد اتكلم كتير كده و محطش غير برنامج واحد

بس دا منطقي برضهز مساعده في البرامج اي خدمه من رفع البرنامج ليه لشرح سريع للاوبشن و كان في كام اخ المتهاذي و أيمن ماجد و mask2006
كلهم عندهم مشاكل في الفرمته او المساحه و لسه لم تحل و قولت لكل واحد في موضوعه نكمل هنا ان شاء الله
ف ربنا يسهل معانا خميرة اهه تلات فلاشات

**** طيب أن فلاشتي سليمه ليا في الليله دي؟؟!

طبعا و بصراحه انا شايف ان الشغل علي الفلاشات السليمه أمتع ستين مرة ... ازاي؟؟؟
طبعا نسيتوا كلكو وانا عاذركم و اللي فاكر يبعت رد و يقولي و له عندي هدية كويسه
أنا قولت في الاول ان الرساله الخنيقه محمي ضد الكتابه هتحبها بعد كده و محدش سال ازاي اقولك ازاي
حتت انك تفرمت الفلاشه بعد ما تنزل فيرم وير جديد ماشي حل مشكله بس تخيل انت دلوقتي الفيرم وير لعبه في ايديك يعني ممكن تعمل الاتي

1-تقسم الفلاشه بارتشنين او اكتر و يتعرفوا كانهم فلاش برضه دا خلاف الحل المشهور انك تجيب تعريف microhitachi,و تحدث تعريف الفلاش في الويندوز من ناحيه ان القسمه عن طريق الفيرم وير علي مستوي الفلاشه يعني في اي جهاز انما الحل التاني لازم كل جهاز تقعد عليه تحدث التعريف

2-و ممكن تخلي الفلاشه تتعرف علي اساس انها هارد ديسكو برضه التقسيم براحتك سواء دوس او ويندوز لان برامج التقسيم هتقراها هارد

3- ممكن تعمل بارتشن محمي ضد الكتابه بايدك-في حد بيروح للبلا برجليه اه- طيب هستفيد ايه من كده؟

بصراحه انا شايف انه المثالي الواحد يقسم الفلاشه حتيتن أول حته نحط فيها برامج البورتابل بتاعتنا الملفات الشخصيه الحاجات اللي ه ثابته علي الفلاشه و بعدين نحميها ضد الكتابه و جزء تاني فري لو حبيت تحط عليها حاجه تنقل بيه يعني
طيب استفدت ايه كتييييييير اولا ممكن تروح عند اي جهاز مفيرس و انت مطمن ثانيا ممكن تصلح الجهاز التاني بالفلاشه يعني مفيرس مثلا حط الفلاشه ولا يهمك و شغل اسكان من الجزء المحمي حتي لو الجزء الفري اتقيرس بدل ما تعمل سكان علي الفلاشه كلها اعمل علي الفري بس او حتي فرمته حلوة مش كده انا عارف ان المعظم هيجرب
ملحوظه بخصوص البارتشين المحمي ممكن يبقي عبارة عن سيدي روم –في شيبات كده—تحط الفلاشه تلاقي بارتشن و سيدي روم ظهروا و سبحان الله يخلق ما لا تعلمون

4-عارفين الفلاشات اللي بيجي معاها برنامج سيكيورتي و تلاقي صاحبها فرحان بيها قوي ايه يعني احنا كمان ممكن نعمل سيكيورتي و بنفس النظام و يمكن احسن كمان لان في شيبات بالذات الكينجستون ممكن تخلي الجزء السيكيور و العادي ظاهرين في نفس الوقت

5-ممكن تلعب في مساحه الفلاشه افرض عندك نص ضارب من الميموري ممكن تحد الفلاشه لحجم معين

6-ممكن تلعب كما لم تلعب من قبل يا راجل دا انت ممكن تتحكم في اللمبة بتاع الفلاش مش اللون طبعا بس ممكن تنور مستمر امتي و تقطع امتي و تطفي امتي و ممكن برضه تلعب في الكهربة اللي الفلاشه هتسحبها من الجهاز من الاخر كل ما لا يمكن ان تتخيله
مثلا انا فلاشتي عادية خالص Kingston dt 100 8gbمن غير برامج ولا يحزنون بعد ما قرات دليل البرنامج ودي ميزة لان معظم البرامج من غير helpيعني يا اما تكون عارف بتعمل ايه او اسال و استشير ــــ بس من غير النجمه الذهبية ـــلقيت ان فلاشتي ممكن تتقسم ب 6 مود مختلفين بص كده

و برضه
طبعا الصورشارحها نفسها

7-ممكن تلاقي برامج لفلاشتك مثلا اول فلاشه جتلي كان شيباتها من انتاج شركة usbest لما روحت للموقع لقيتهم حطين برنامج للشيب ده و مع ان الفلاشه خرجت من بيت ابوها من غير برامج البرنامج اشتغل تمام و اداني امكانيات كالتالي

و دا البرنامج لكل من لديه فلاشه شيب ut165

UFD

و كمان هدية ـــ هيصه ــبرنامج حل مشكلة الأخ elmohandis المذكورة هنا
و هو عبارة عن برنامج للفرمته للشيبphison up10 up11
تفضل

8-للقارئ

*****الخلاصه

أولا ــ الموضوع حصري و بشده و اللي مش مصدق يجيبلي موضوع في كمية الكلام ده و برنامج واحد
ثانيا ــ كل ما ذكر جرب من قبلي علي فلاشات و ليس كلام نظري

ثالثا ــ إن شاء الله بعد اليوم الكل هيصلح الفلاشه بشرط ــ معلشي ارجع معايا — في المثال قولتلك لو قطع الجهاز سليمه نزل ويندوز هنا برضه طالما ال فيد و ال بيد مقريين يبقي خلاص محلوله ان شاء الله يعني محدش يجيبلي فلاشه واخده مطواه ولا غرزة ولا مقسومه اتنين و يقولي دبرني هقوله التدابير لله

رابعا ــ ذي ما قولت اي حد مش لاقي برنامجه يقولي وان شاء الله هجيبهوله

خامسا للمشرفين ــ البرنامج الصيني اريح من نواحي لان الموقع الروسي في حاجات مش موجوده و بعدبن برنامجهم بيخدك علي صفحه فلاشتك تحديدا ف مفيش مجال للخطا بدل ما حد ينزل برنامج مش بتاعه بالظبط ممكن يحصل قلق انما لو مش بتاع فلاشته اصلا مفيش مشاكل لانه مش هيشتغل اساسا فارجو السماح بوضع رابط البرنامج و اسم مستخدم و كلمه سر سوف اعملهم باسم المشاغب لانه منتدي لازم تسجيل و دا مش دعاية لانه صيني يعني الواحد هيحمل ويمشي ارجو اعادة النظر في القوانين مراعاة للمصحه العامة

سادسا ــ لو فلاشتك سليمة و حابب تجرب جمد قلبك و اتكل علي الله قومال مشاغب ازاي و لو فلاشتك بايظه تبقي اتحلت ضربوا الاعور علي عينه و بالمناسبه سؤال مهم ضربوه علي انهي عين؟؟

سابعا ــ اعذروني علي الاطاله هههههههههههههه بس اول مرة مرة بقي و ويمكن اخر مرة لو حد من المشرفين اتخنق و مسح عضويتي و لاحاجه و بما انها اول مرة فالتشجيع و التقييم و يمكن التثبيــ ـــــ بلاش طمع ــــ الحاجات دي بتفرق مع الواحد برضه حتي علشان نكمل بقية المحاضرات
سابعا ـ اي استفسار و اكيد فيه موجود باذن الله لان الموضوع اتعمل بسرعه هههههه اه والله بقالي تلات شهور عاوز اعمله فعذرا الموضوع مختصر و بشدة و عذرا للا يوجد شروح للبرامج لاني بصراحه كنت بصلح الفلاشه و خلاص ماتخيلتش في يوم من الايام اني ممكن اعمل موضوع و احتاج الصور
ثامنا ــــ كل العمليات دي هتمسح الفلاش يعني جرب في فلاشه فاضيه او مش عاوز اللي عليها
تاسعا ــــ في انتظاركم و انتظار تعليقاتكم