Hitskin.com

ارحب بكم و احيكم على مشاركتنا هذا القسم العجيب و الذي يهتم بتربية الحيوانات

و انا قاعد مع اخوي حبيبي
طويل العمر الزين و الزين ما يكمل حلاه و كنا نسالف عن تربية الطيور و انه
قبل في بيتنا القديم كان عندنا القفص شكبر كل شي تقدر تحط فيه و هالامور .

فخطرت على بالي فكرة انه
انزل موضوع اتكلم فيه عن الامور الي لازم الواحد يفكر فيها قبل لا يشرع في
تربية اي نوع من الحيوانات او الطيور

طبعا قبل كل شي الواحد لازم يفكر ليش انا ابي هالحيوان او الطير ؟

يعني على سبيل المثال انت تحتاج هالحيوان حق زينه و ديكور مثل احواض الاسماك ولا تحتاجه حق حراسة مثل كلب الحراسة ولا تبي حق البيض مثل تربية الدواجن ولا تبي حق التسلية مثل القطط ....وألخ

بعد ما تحدد الامر الأول نروح حق الخطوة الثانية وهي:

هل انت عندك المكان المناسب للحيوان ولا الطير الي بتشتريه؟

المكان الملائم للحيوان او الطير من الامور الأساسية الى الواحد لازم يفكر
فيها قبل الشراء فلكل حيوان و طير مكان لازم يحس فيه بالأمان و الاطمئنان
مثل ما تروح تشتري لك كلب شكبر و تخصص له محيط صغير في البيت او تاخذ له
بيت ضيج عليه او تشتري طير كناري او متوه خضرة و تخليهم في المطبخ مثل ما
اغلب العيايز يسون

و الامر الثالث الي راح اتكلم عنه هو:

الميزانية

قبل التفكير في نوع الحيوان او الطير الي راح اخذه افكر هل انا عندي
الميزانية الكافيه لتوفير شتى سبل الراحة و الصحة للحيوان او الطير الي
باخذه يعني في حيوانات و طيور تكلفة مصاريفهم وايد عالية مثل الاحواض
البحرية و الكلاب

الامر الرابع و هو ايضاً مهم رغم تغافل الناس عنه و هو

هل انا عندي اطفال في البيت؟

النقطة مهمة و خصوصاً مع اليهال الفضوليين فممكن يسببون الذعر و الخوف
عند الحيوان او الطير تلقى هالياهل النزغة يطق القفص بيده ولا يقط في
القفص ماله اشياء قد تضر الحيوان يعني انا اتذكر بنت خالتي يوم كانت صغيرة
ذبحت متوه امي قامت تعطيها اصباغ ماجي كلر و ماتت مسكين، فتجوف الاب
المسكين يروح يشتري الحيوان ولا الطير و يقول حق اليهال شنو حق اليهال ذي روح و مسئولية بتتحاسب عنها يوم القيامة ان شاء الله ,و لا واحد عياله فيهم ربو يروح ايب لهم قطوه حق الشعر مالها

و الامر الخامس سلمكم الله هو:

الوقت

قبل
لا تفكر في احضار الحيوان ولا الطير أسال نفسك هل انا عندي الوقت الكافي
عشان اجابل و اهتم في هالروح الي بشتريها؟ يعني مثل ما تعرفون تربية
الحيوانات يبي لها بارض و مزاج و عدم تقصير يعني في ناس هداهم الله يروح
يشتري الطير ولا الحيوان و يهتم فيه اول الايام وعقب فتره تجوف هاملهم ولا
ماعطهم حقهم او تجوف يقصر في امور ثانية في سبيل تربية الحيوانات تلقاه
مجابل الكلب ولا القطوه اكثر من مجابل مرته و عياله.

و الامر السادس يا رعاكم الله هو:

لازم تكون على علم و لو قليل بالحيوان او الطائر قبل لا تشتريه

يفضل
قبل لا تقرر بالشراء انك تقرأ و تجوف ناس عندهم خبره في هالامور يعني لازم
الواحد يعرف شنو الغذاء الرئيسي للحيوان ولا الطير الي بياخذه و يعرف بعض
سلوكياته و احتياجاته لنه وايد ناس يشترون على عماهم و ينصدمون بالموت
المفاجئ ولا مرض الطير او الحيوان الي شراه بسرعة يا اخي اسأل و اقرأ قبل
لا تقدم على شراء الشسمه

هذا الاشياء الي يات ع بالي و أي احد منكم حاب يضيف عليهم تره الموضوع مفتوح للنقاش و هو مجهود شخصي فقد أصيب فيه او اخطأ

نديم ، الحب ، برنامج ، تحميل ، دليل ، مسلسل ، انشوده ، جديد ، كامل

المنتديات للبيع :

للتواصل واتساب

967772204567+

يسلموووووووو كثير على الموضوع المتميز.,ربنايعطيك العافيه
farao

نديم ، الحب ، برنامج ، تحميل ، دليل ، مسلسل ، انشوده ، جديد ، كامل

امور لازم تعرفها قبل لا تشتري الحيوان او الطير او اي كائن 166693

» اكبر كائن حي واكبر كائن منقرض على الارض
» الحيوان الذي يأكل الجن
» امور تجعل الزوج يبتسم
» تعرّف على الحيوان الذي يغسل طعامه قبل أن يأكله
» خصائص الحيوان

Hitskin.com

امور لازم تعرفها قبل لا تشتري الحيوان او الطير او اي كائن